საქართველოს ადგილობრივ თვითმმართველობათა ეროვნული ასოციაცია (NALAG) აგრძელებს საუკეთესო პრაქტიკის პროგრამის (BPP) 2019-20 წლების საკონკურსო განაცხადების მიღებას.

ყოველწლიური კონკურსი, რომელიც ევროკავშირის მიერ დაფინანსებული პროექტის - „ეფექტიანობის და განვითარების ქსელი“ (N4ED) ფარგლებში იმართება, მუნიციპალიტეტებს შორის წარმატების მაგალითების გამოვლენასა და გამოცდილების ურთიერთგაზიარებას ისახავს მიზნად.

აღნიშნული პროგრამის ფარგლებში, 2019-20 წლებისთვის, სულ 13 საკონკურსო თემა იქნა შერჩეული:

1. დასაქმების ხელშეწყობა, მუნიციპალური სტარტაპებისა და ინოვაციების მხარდაჭერა, მცირე ფერმერებისა და სოფლის მეურნეობის მხარდაჭერა;
2. მუნიციპალური სოციალური პროგრამები მოწყვლადი ჯგუფებისათვის;
3. სოფლის განვითარების მხარდამჭერა;
4. ცხოვრების ჯანსაღი წესის მხარდამჭერი მუნიციპალური პროგრამები ყველა ასაკობრივი ჯგუფისთვის (მ.შ. კულტურის სფეროში განხორციელებული პროქტები);
5. სკოლამდელი აღზრდა, სკოლისგარეშე განათლება და ზრდასრულთათვის საგანმანათლებლო პროგრამების მხარდაჭერა;
6. გენდერული თანასწორობა და გენდერულად მგრძნობიარე მუნიციპალური სერვისები;
7. მუნიციპალური წყალმომარაგება, წყალარინება და სამელიორაციო სისტემები;
8. ადგილობრივი ეკონომიკური განვითარების დაგეგმვა და ინკლუზიური ზრდა;
9. ადგილობრივი საინვესტიციო პოტენციალის წარმოჩინება;
10. მუნუციპალური ნარჩენების მართვა, ენერგოეფექტურობა და გარემოს დაცვის მხარდაჭერა (მ.შ. გარემოზე ზემოქმედების შემცირება);
11. მოქალაქეთა თანამონაწილეობა, ანგარიშვალდებულება და გამჭვირვალობა;
12. მუნიციპალიტეტის ბიუჯეტის ცნობარი;
13. COVID-19 პადემიით შექმნილ გამოწვევებზე მუნიციპალიტეტების რეაგირება.

კონკურსში მონაწილეობის მისაღებად განაცხადების 30 ნოემბრის ჩათვლით გაგრძელდება.

BPP-ის კონკურსში მონაწილე მუნიციპალიტეტების პროექტებს სპეციალურად შექმნილი ექსპერტთა კომისია შეაფასებს.

თანდართული ფაილის სახით გთავაზობთ 2019-2020 წლის საუკეთესო პრაქტიკის პროგრამაში მონაწილეობის განაცხადის ლინკს:

https://drive.google.com/file/d/1Qy0k2ZJJS01EA7E7A8hTNah66xrSpbMX/view?fbclid=IwAR2bOEoggrrNiGO1LhI2c0H9gfNlLLGFZIh0CTwLMtPl5mEJvCBGzsN5aq4